Պերֆորմանս, որում Ռուսաստանից և Ուկրաինայից մասնակիցները փորձում են պարի միջոցով ըմբռնել նոր իրականությունը

Ինչպե՞ս ֆիզիկապես խախտել սահմանները, երբ թվայնացված ես։ Ինչպե՞ս դիպչել էկրանի այն կողմում գտնվող մարդուն։ Ի՞նչ է կատարվում ֆիզիկական և թվային մարմնի հետ արդեն ուղարկվածի և դեռ չստացվածի արանքում։
Երկու հոգի կհանդիպեն՝ հեռու իրարից և գոյություն չունեցող հայրենիքներից, որպեսզի միմյանց միջև կապ հաստատեն՝ լողալով ժամանակային գոտիներով, խափանումներով և էկրաններով ստեղված սահմանների միջև։ Ընթացքում մենք կհասկանանք, թե ինչ ենք անում՝ խախտու՞մ ենք, թե՞ հաղթահարում
սահմանները։

Մենք Երևանում հավաքվեցինք գարնան սկզբին։ Մենք ռուսներ և բելառուսներ ենք, ովքեր լքել են իրենց երկրները Ուկրաինայում՝ ռազմական գործողությունների սկսելուց հետո։ «Թեք տեղ» թատրոնի բաց կանչը մեզ հավաքեց միասին վավերագրական նախագիծ ստեղծելու համար: Սա մեր համատեղ աշխատանքի առաջին փորձն է։ Ներկայացման նյութը առաջին հերթին մենք ինքներս ենք. մեր պատմությունները, մեր մտորումները, մեր շփումը հարազատների և միմյանց հետ, ինչպես նաև հարցազրույցները, որոնք վերցրել ենք մեզ նման էմիգրանտներից, ուկրաինացի փախստականներից, Հայաստանի բնակիչներից, որոնք արտացոլում են Արցախում տեղի ունեցած պատերազմի պատմությունը։

Մենք միտումնավոր հրաժարվում ենք մեկ պատումից, քանի որ այժմ մեր իրականությունն ավելի շատ նման է սոցիալական ցանցերի հոսքի, որտեղ զարհուրելին շարունակում է սովորականին: Մեր իրականությունը բեկորային է, վնասված, նրա ամբողջականությունը խախտված է պատերազմով։ Այս բեկորները միանում են տարասեռ կտավին, ուր պատահականության սկզբունքով ներառված են դրվագներ զրույցներից, նամակագրություններից, լուրերից: Այդ կտավը ենթակա է փոփոխման, իսկ մեր ներկայացումը միայն օրվա պահի ամրագրումն է։ Ի վերջո, մենք ճանապարհին ենք, և չգիտենք, թե որտեղ կհայտնվենք վաղը։

«Շփոթված մարդ» է մեզանից յուրաքանչյուրը՝ քաղհանված իր տեղից, կյանքի փլուզված ծրագրերով, ապագայի առջև կատարյալ անորոշության մեջ ու սարսափով լցված առ ներկան։

«Մահացած սլավոնների ֆայլերը» Յուրի Սմիրնովի պիեսի վրա հիմնված ներկայացում է։ Այն ձայնի և պերֆորմատիվ արվեստի միաձուլում է։ Բանաստեղծական, որոշ տեղերում դառը դեկադանս է, որն անուղղակիորեն կապված է պատերազմի հետ, և այդ չարչարված թեմայի հետ յուրաքանչյուր հատում ստեղծագործության ներսում ստեղծում է իմաստային նոր, ապշեցնող պայթյուններ։