Ներկայացում նրանց համար, ովքեր չեն հավատում պատրանքներին և անընդհատ հարցնում են․ ո՞վ եմ ես, ո՞վ եք դուք, իրակա՞ն է արդյոք տեղի ունեցող ամեն ինչը։

Երբևէ ցանկացե՞լ եք ուրիշ ինչ-որ մեկը դառնալ՝ ոչ թե պարզապես ուրիշի մարմնում հայտնվել, այլ իսկապես այլ մարդ դառնալ։ «Մայքլ Քրեյգ Մարտինի կաղնին» հենց այդպիսի կերպարանափոխության մասին մի պատմություն է։ Այստեղ մահացած աղջնակը դառնում է ծառ, դահլիճից մի կամավոր դառնում է նրա մահը սգացող հայրը, իսկ ռեժիսորը հանդես է գալիս որպես արարիչ և մանիպուլյատոր՝ միաժամանակ դաժան և գթասիրտ։

Պետերբուրգցի ռեժիսոր Իլյա Մոշյիցկին բեմ է հրավիրում դահլիճից մի կամավորի և առաջարկում նրան իր հետ խաղալ ներկայացման մեջ։ Ո՞վ է նա հիմա՝ մարդ, որը եկել է հաճելի երեկո անցկացնելու՞, թե՞ պիեսի կերպար։ Ինքնուրույն անհա՞տ, թե՞ ռեժիսորի ձեռքերում խամաճիկ, որը պարզապես խաղում է ըստ իրեն տրված տեքստի։